AZƏRBAYCAN TURİZM İNSTİTUTUNDA GÖRÜŞ
AZƏRTAC xəbər verir ki, iyunun 27-də mədəniyyət və turizm naziri Əbülfəs Qarayev Azərbaycan Turizm İnstitutunun (ATİ) tələbələri ilə görüşmüşdür.
Tələbələr çıxış edərək təhsil ocağının fəaliyyəti, əldə edilmiş nailiyyətlərdən danışmışlar. İnstitut daxilində “ATİ-nin işçilərinin məmnuniyyəti”, “Tələbə və Gənclik” mövzularında aparılmış sorğunun nəticələri diqqətə çatdırılmışdır.
Əbülfəs Qarayev müasir dövrdə dövlət büdcəsinə gəlirlərin artırılması, iqtisadiyyatın inkişaf etdirilməsi, əhalinin sosial-iqtisadi vəziyyətinin yüksəldilməsində turizmin rolundan danışmış, sahəni inkişaf etdirməyin zəruriliyini vurğulamışdır. Ölkəmizdə turizm sahəsinin inkişaf etdirilməsində, ixtisaslı kadrların yetişdirilməsinin əhəmiyyətindən danışan nazir 2 ildir ki, fəaliyyət göstərən institutun fəaliyyətini yüksək qiymətləndirmişdir.
Bölmənin digər xəbərləri
