Azərbaycan vətəndaşlarının Gürcüstandan növbəti təxliyəsi həyata keçiriləcək
Tbilisi, 12 yanvar, AZƏRTAC
Koronavirus pandemiyası səbəbindən Gürcüstanı tərk edə bilməyən daha 250 nəfər Azərbaycana təxliyə olunacaq.
AZƏRTAC xəbər verir ki, təxliyə yanvarın 15-də Azərbaycanın Gürcüstandakı səfirliyinin təşkilatçılığı ilə reallaşacaq.
Səfirlikdən bildirilib ki, təxliyə olunacaq şəxslər yanvarın 14-də koronavirus testindən keçiriləcəklər.
COVID-19 aşkarlanmayan şəxslərə Azərbaycanla sərhəddəki “Qırmızı körpü” sərhəd-keçid məntəqəsi yaxınlığında səfirlik tərəfindən xüsusi arayışlar veriləcək və onlar Vətənə yola salınacaqlar.
Qeyd edək ki, pandemiya dövründə Gürcüstan vasitəsilə 2 minə yaxın azərbaycanlının ölkəmizə qayıtması təmin edilib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
