Azərbaycan Voleybol Federasiyasının məşqçi-müəllimlər üçün təşkil etdiyi kurs başa çatıb
Bakı,27 dekabr, AZƏRTAC
Azərbaycan Voleybol Federasiyasının (AVF) məşqçi-müəllimlər üçün təşkil etdiyi növbəti kurs başa çatıb.
Qurumdan AZƏRTAC-a verilən məlumata görə, Bakı şəhərində baş tutan AVF-nin “1-ci dərəcə” məşqçi kursunda Bakı RVK-nın tərkibinə daxil olan şəhər və rayonlardan olan 15 məşqçi-müəllim iştirak edib. Dərslər federasiyanın təlim və aşağı yaş qruplarının rəhbəri Cengiz Akarçeşme tərəfindən keçirilib.
Kursun sonuncu günündə iştirakçılar nəzəri və praktiki imtahan veriblər. Hər iki imtahanı uğurla keçənlərə AVF-nin “1-ci dərəcə” sertifikatı təqdim olunub. Bu sertifikatı almış məşqçi-müəllimlər yerli çempionatlarda məşqçilik edə biləcəklər. Hər üç dərəcəni alacaq mütəxəssislər isə Beynəlxalq Voleybol Federasiyasının (FIVB) Level-1 seminarında iştirak etmək hüququ qazanacaqlar.
Qeyd edək ki, bundan əvvəl Qəbələ və Sumqayıt şəhərlərində məşqçi kursları təşkil olunub.
Bölmənin digər xəbərləri
