Azərbaycan voleybolçusu karyerasını Macarıstanda davam etdirəcək
Bakı, 12 yanvar, AZƏRTAC
Qadın voleybolçulardan ibarət Azərbaycan millisinin üzvü Olena Həsənova komandasını dəyişib.
AZƏRTAC xəbər verir ki, Fransanın “Volero Le-Kanne” komandasından ayrılan 26 yaşlı blokçu Macarıstan təmsilçisi “MCM-Diamant”a keçib. Məlumatı klubun rəsmi saytı yayıb.
Voleybolçunun Kapoşvar klubu ilə imzaladığı müqavilənin detalları açıqlanmayıb.
Qeyd edək ki, O.Həsənova son 3 mövsümü “Volero Le-Kanne” klubunda keçirib.
Bölmənin digər xəbərləri
