AZƏRBAYCAN XOKKEYÇİLƏRİ QİTƏ BİRİNCİLİYİNİN “TROPHİ” YARIŞINDA UĞURSUZ ÇIXIŞ ETMİŞLƏR
İtaliyada otüstü xokkey üzrə 21 yaşlı kişilərdən ibarət komandalar arasında Avropa çempionatının “Trophi” yarışları davam edir.
AZƏRTAC xəbər verir ki, Azərbaycanın 21 yaşlılardan ibarət xokkey yığması növbəti görüşünü Çexiya yığmasına qarşı keçirmişdir. Bu görüşdə də həmyerlilərimiz rəqibə 3:2 hesabı ilə məğlub olmuşlar.
İlk qarşılaşmada da meydan sahiblərinə məğlub olan xokkeyçilərimiz turnirin qalibi olmaq şansını əldən vermişlər. Aktivində xal olmayan yığmamız hazırda sonuncu, 5-ci pillədə qərarlaşmışdır.
Bu gün idmançılarımız belaruslulara qarşı mübarizə aparacaqlar.
Qeyd edək ki, güclülər dəstəsinə vəsiqə qazanmaq üçün Azərbaycan təmsilçiləri qrup mərhələsini minimum ikinci yerdə başa vurmalıdır.
Turnirə iyulun 27-də yekun vurulacaqdır.
Bölmənin digər xəbərləri
