AZƏRBAYCAN YAZIÇILAR BİRLİYİNİN BİNASINDA TƏMİR BAŞA ÇATMAQ ÜZRƏDİR
AZƏRTAC xəbər verir ki, Azərbaycan Yazıçılar Birliyinin (AYB) binasında aparılan əsaslı təmir işləri yekunlaşmaq üzrədir.
XIX əsrə aid memarlıq nümunəsi olan bina müasir standartlara uyğun təmir edilmişdir. Binada yeni lift quraşdırılmış, istilik, kanalizasiya, işıq sistemi tam bərpa olunmuşdur. Döşəməyə parket döşənmiş, tavandan dəbdəbəli çil- çıraq asılmış, iş otaqları yeni mebel və avadanlıqla təchiz edilmişdir.
Binada, həmçinin 1937-ci il repressiya qurbanlarının xatirəsini əbədiləşdirən abidə yaradilmiş, “Natəvan” klubu yeniləşdirilmiş, salon dəyirmi masa şəklinə salınmışdır.
AYB-nin nəşrlərinin yerləşdiyi IV mərtəbədə otaqların sayı artırılmış, 50 mindən çox fondu olan kitabxana bu mərtəbədə yerləşdirilmişdir.
Binada əsasli təmiri Dövlət Əmlakının İdarə Edilməsi üzrə Dövlət Komitəsinin elan etdiyi tenderdə qalib gəlmiş “Cahan” tikinti şirkəti aparmışdır.
1937-ci ildən fəaliyyət göstərən bu binanın əvvəlki görkəmi qorunub saxlanılmış, qədim memarlıq ornamentləri bərpa edilmişdir.
Bina oktyabrın ilk günlərində istifadəyə veriləcəkdir.
Bölmənin digər xəbərləri
