AZƏRBAYCANDA QUŞ QRİPİNİN AŞKAR EDİLMƏSİ ÜÇÜN LABORATORİYA FƏALİYYƏTƏ BAŞLAMIŞDIR
Bu yaxınlarda quş qripindən vəfat etmələri ehtimal olunan Salyan rayonunun sakinlərindən götürülmüş analizlərin ilk nəticələri martın 13-də gecə məlum olacaqdır. Səhiyyə Nazirliyinin həyata keçirdiyi profilaktik tədbirlərdən danışan nazir bildirmişdir ki, Epidemiologiya və Gigiyena Mərkəzinin əməkdaşları müxtəlif rayonlara ezam edilmişlər. Onlar həkimlərlə məşğələlər keçirir, bu təhlükəli xəstəliyin əlamətlərini təsvir edirlər. Rayon xəstəxanalarının baş həkimləri quş qripinin əlamətlərinə bənzər simptomları olan xəstələr barədə hər gün Səhiyyə Nazirliyinə məlumat verirlər.
Nazir demişdir ki, Bakıdakı 7 nömrəli infeksiya xəstəxanasına quş qripinin əlamətlərinə bənzər simptomlarla 100-dən çox xəstə müraciət etmişdir. Aparılan epidemioloji tədqiqatlar bu şəxslərdə xəstəliklərin tamamilə başqa etiologiyasını aşkar etmişdir.
Bölmənin digər xəbərləri
