İQTİSADİYYAT
Azərbaycandan Aİ ölkələrinə metanol ixracı 26,6 faiz artıb
Bakı, 26 sentyabr, AZƏRTAC
Avropa İttifaqı (Aİ) ölkələri 2023-cü ilin yanvar-iyul aylarında Azərbaycandan 47,891 milyon avro dəyərində 133,82 min ton metanol idxal edib.
AZƏRTAC xəbər verir ki, bu barədə Aİ-nin Statistika İdarəsinin (Avrostat) məlumatında qeyd olunub.
Statistik məlumatlara əsasən, bu il iyul ayında Azərbaycan Aİ ölkələrinə 5,281 milyon avro dəyərində 20,898 min ton metanol ixrac edib ki, bu göstərici ötən ilin müvafiq dövrü ilə müqayisədə 26,6 faiz çoxdur.
Yanvar-iyul aylarında metanolun əsas idxalçılarının beşliyində aşağıdakı ölkələr yer alıb: Rumıniya 49,431 min ton, İtaliya 38,604 min ton, Niderland 34,823 min ton, İspaniya 7,156 min ton, Finlandiya 1,999 min ton.
İyulda Niderland Azərbaycandan 7,694 min ton, Rumıniya 6,149 min ton, İtaliya 6,762 min ton metanol idxal edib.
Hesabata əsasən, 2022-ci ildə Aİ ölkələri Azərbaycandan 104,446 milyon avro dəyərində 261,723 min ton metanol idxal edib. Bu göstərici ötən ilin müvafiq dövrü ilə müqayisədə 3,1 dəfə çoxdur.
Bölmənin digər xəbərləri
