Azərbaycanın keçmiş mədəniyyət naziri ICESCO-nun sektor rəhbəri təyin edilib
Bakı, 17 may, AZƏRTAC
Azərbaycanın keçmiş mədəniyyət naziri Anar Kərimov İslam Dünyası Təhsil, Elm və Mədəniyyət Təşkilatının (ICESCO) tərəfdaşlıq və beynəlxalq əməkdaşlıq sektorunun rəhbəri təyin edilib.
AZƏRTAC xəbər verir ki, bu barədə məlumat təşkilatın rəsmi saytında yerləşdirilib.
Məlumatda qeyd olunub ki, A.Kərimov təşkilata üzv dövlətlərdəki müxtəlif qurumlarla, eləcə də beynəlxalq təşkilatlar və orqanlarla tərəfdaşlıq əlaqələrini genişləndirmək, onun bütün dünyada yayılmasına töhfə vermək və təhsil, elm, mədəniyyət və kommunikasiya sahələrində proqramları dəstəkləmək üçün lazımi maliyyə resurslarını səfərbər etmək funksiyalarını yerinə yetirəcək.
Bölmənin digər xəbərləri
