AZƏRBAYCANIN QAZAXISTANDAKI SƏFİRİ ÖLKƏNİN DÖVLƏT KATİBİ İLƏ GÖRÜŞMÜŞDÜR

20.09.2004 [21:44]
Çap et
A⁺ A^-

AZƏRTAC-ın xüsusi müxbiri xəbər verir ki, Azərbaycanın Qazaxıstandakı səfiri Lətif Qəndilov bu ölkənin dövlət katibi Oralbay Abdıkərimovla görüşündə dövlətlərimizin ticarət-iqtisadi əlaqələrinin inkişafından danışmış və demişdir ki, son illər ölkələrimiz arasındakı mal mübadiləsinin həcmi 12 dəfə artmış və bu, gələcəkdə daha da çox olacaqdır.

Dövlət katibi bildirmişdir ki, Qazaxıstan və Azərbaycan arasında əldə edilmiş bütün razılaşmalara əməl olunur. Bizim mövqelərimiz beynəlxalq məsələlərdə də üst-üstə düşür və bu sahədə əməkdaşlığı davam etdiririk. Azərbaycan Asiyada Etimad Tədbirləri üzrə Müşavirənin işində yaxından iştirak edir.

Səfir Qazaxıstanda demokratik islahatlar sahəsində görülən işləri, həmçinin milli birliyin əldə olunmasında ölkə rəhbərliyinin fəaliyyətini yüksək qiymətləndirmiş, Azərbaycan səfirliyinin Astanada tikiləcək binası haqqında da məlumat vermişdir.

AZƏRBAYCANIN QAZAXISTANDAKI SƏFİRİ ÖLKƏNİN DÖVLƏT KATİBİ İLƏ GÖRÜŞMÜŞDÜR

MÜƏLLİFLƏ ƏLAQƏ

Bölmənin digər xəbərləri