Azərbaycanın stolüstü tennisçiləri beynəlxalq turnirdə iki medal qazanıblar
Bakı, 28 oktyabr, AZƏRTAC
Azərbaycanın stolüstü tennisçiləri Latviyanın paytaxtı Riqada keçirilən “Riga City Council's Youth Cup” turnirində mübarizəyə uğurla başlayıblar.
AZƏRTAC xəbər verir ki, yarışın ilk günündə yığmanın aktivinə iki medal yazılıb. 13 yaşadək idmançılar arasında bacarığını göstərən Tunar Bağırov gümüş, Xədicə Eylazova isə bürünc mükafata layiq görülüb.
Qeyd edək ki, komanda Riqa sınaqlarına 11 idmançı ilə yollanıb. Beynəlxalq turnirə oktyabrın 29-da yekun vurulacaq.
Bölmənin digər xəbərləri
