Azərbaycanın yeniyetmə cüdoçuları Strasburqda keçirilən Avropa kuboku yarışında iştirak edirlər
Bakı, 23 aprel, AZƏRTAC
Fransanın Strasburq şəhərində yeniyetmə cüdoçular arasında Avropa kuboku yarışı keçirilir.
AZƏRTAC xəbər verir ki, bu gün start götürən turnirdə Azərbaycanın 18 cüdoçusu iştirak edir. Oğlanlar arasında yarışda Məhəmməd Məmişov, Xalid Məmmədov (50 kq), Məhəmməd Musayev, Xanəhməd Şərifov, Şahin Oruczadə (55 kq), Nizami İmranov, Mehdi Cəfərov (60 kq), Nicat Nağıyev, Əbil Yusubov (66 kq), Süleyman Əliyev, Əli Hacızadə, Nahid Tarquliyev (73 kq), Camal Bağışov (81 kq) Ramazan Əhmədov, Zaur Sarıoğlu (+90 kq) medallar uğrunda mübarizə aparırlar. Qızlardan ibarət komandanın heyətində isə Xumar Qasımzadə (44 kq), Fidan Qasımova (52 kq) və Fidan Əlizadə (57 kq) yer alıblar.
Aprelin 24-də yekunlaşacaq Avropa kuboku turnirində 20 ölkədən 366-ya yaxın cüdoçu mübarizə aparır.
Bölmənin digər xəbərləri
