Azərbaycanlılar Şəhidlər xiyabanını ziyarət etməyi özlərinin müqəddəs borcu hesab edirlər
Bakı, 20 yanvar (AZƏRTAC). Yanvarın 20-də Vətənin azadlığı və suverenliyi uğrunda canlarından keçmiş Azərbaycanın oğul və qızlarının əziz xatirəsini ehtiramla yad etmək üçün Şəhidlər xiyabanına minlərlə insan axışırdı.
Onlar arasında hər il bu müqəddəs yeri ziyarət etməyi özünə borc bilən paytaxt sakini Tamilla Rəhimova da var idi.
O, AZƏRTAC-a müsahibəsində bildirmişdir ki, şəhidlərimizin adı xalqımızın yaddaşına əbədi həkk olunmuşdur. Şəhidlər xiyabanı bizim üçün müqəddəs and yerinə çevrilmişdir. Mən də soydaşlarımız kimi hər il gəlib şəhidlərimizin məzarlarını ziyarət etməyi özümə borc bilirəm.
Allahdan şəhidlərimizə rəhmət diləyirəm.
Bölmənin digər xəbərləri
