Azərbaycan Dövlət İnformasiya Agentliyi

İQTİSADİYYAT

AZERCELL YENİ GÜZƏŞT KAMPANİYASINA START VERMİŞDİR

03.03.2006 [10:43]
Çap et
A⁺ A^-

Azercell Telekom Birgə Müəssisəsi növbəti endirim kampaniyasına başlamışdır. Martın 1-dən aprelin 30-dək operatorun bütün abonentləri üçün MultiMesajCELL (MMS) xidmətinin qiyməti standart SMS-in qiyməti ilə bərabər olacaqdır.

Müəssisənin mətbuat xidmətindən AZƏRTAC-a bildirmişlər ki, bu kampaniya Azercell abonentlərinə daha iri həcmli ismarıcların, o cümlədən, şəkil və musiqili kliplərin mübadiləsini güzəştli qiymətlərlə aparmağa imkan verəcəkdir.

Kampaniya dövründə “SimSim” və “Bizdən Bizə” abonentləri 1 MMS üçün 11 kontur, fakturalı xətt abonentləri 5 qəpik ödəyəcəklər. GəncSim abonentləri üçün isə 1 MMS 8 kontura başa gələcəkdir.

Azercell il ərzində abonentlərə daha münasib qiymətlərlə keyfiyyətli mobil rabitə xidməti göstərmək üçün kampaniyalarını davam etdirəcəkdir.