“AZƏRİ-ÇIRAQ-GÜNƏŞLİ”NİN TAMMİQYASLI İŞLƏNİLMƏSİNƏ BU İLİN SONUNDA BAŞLANACAQDIR
ABƏŞ-in mətbuat xidmətindən AZƏRTAC-ın müxbirinə bildirmişlər ki, “Günəşli” yatağının dənizin dərinliyində yerləşən hissəsi üzrə müqavilə sahəsində neft ehtiyatlarının gələcək işlənilməsi üçün zəruri olan tikinti -quraşdırma işləri bu mərhələyə daxildir. Həmin mərhələnin layihə işləri artıq başa çatmışdır. Üçüncü mərhələ layihəsinə uyğun olaraq dənizdə yeni qazma və hasilat obyektləri tikiləcəkdir. Həmin obyektlər mövcud “Azəri” ixrac boru kəməri ilə birləşdiriləcək və hasil ediləcək neft Səngəçal terminalına göndəriləcəkdir. Çıxarılan qaz isə bu terminalda emal edilərək Dövlət Neft Şirkətinin qazpaylama sisteminə veriləcəkdir.
Üçüncü mərhələnin layihəsi əsasında bir-birinin yanında və körpü vasitəsi ilə birləşdiriləcək iki dəniz platforması, yataqarası dəniz kəmərlərinin bölmələrə, platformalara birləşən iki sualtı suvurma qurğusu və Səngəçal terminalında əlavə texnoloji emal qurğusu yaradılacaqdır. Tikinti işlərinə bu ilin sonunda başlamaq nəzərdə tutulur.
Bölmənin digər xəbərləri
