“Azəriqaz”: Sayğacların sıfırlanması ilə əlaqədar 144 min müraciət daxil olub
Bakı, 7 yanvar, AZƏRTAC
Qaz sayğaclarında güzəştli limit həddi ilə bağlı göstəricilərin sıfırlanması ilə əlaqədar abonentlərdən 144 min müraciət daxil olub.
AZƏRTAC xəbər verir ki, bunu “Azəriqaz” İstehsalat Birliyinin şöbə rəisi Xalidə Şimşək deyib.
“Sayğac göstəriciləri ilə bağlı abonentlərin göndərdiyi şəkillərin yalnız 30 faizi yararlıdır. Yəni, bunlarda tarix və saat göstərilib. Lakin şəklin göndərilib göndərilməməsindən asılı olmayaraq sayğaclar sıfırlanacaq. Paralel olaraq əməkdaşlarımız da sayğacların oxunub sııfırlanmasını həyata keçirir. Bəzən mənzilə və yaxud evə yaxınlaşanda abunəçi evdə olmur. Biz məhz bu abunəçiləri nəzərə alaraq şəkil göndərmələrini xahiş etmişik”, - deyə Xalidə Şimşək bildirib.
Bölmənin digər xəbərləri
