BABƏK RAYONU TƏHSİL İŞÇİLƏRİNİN AVQUST KONFRANSI KEÇİRİLMİŞDİR
AZƏRTAC-ın müxbiri xəbər verir ki, bütün bu və digər faktlar barədə Babək rayonu müəllimlərinin avqust konfransında təhsil şöbəsinin müdiri Əhməd Musayev hesabat məruzəsində məlumat vermişdir.
Konfransda təhsil naziri Misir Mərdanov çıxış edərək ölkəmizin başçısı İlham Əliyevin “Azərbaycan Respublikasında “Bilik günü”nün təsis edilməsi və təhsil müəssisələrində iş rejiminin tənzimlənməsi haqqında” Fərmanı və “Azərbaycan Respublikasında ümumtəhsil məktəblərinin informasiya və kommunikasiya texnologiyaları ilə təminatı proqramının (2005-2007-ci illər) təsdiq edilməsi haqqında” Sərəncamının tarixi əhəmiyyətli sənədlər olduğunu və təhsil sistemində islahatların daha da sürətləndiriləcəyini qeyd etmiş, bu sahədə qarşıda duran vəzifələrdən danışmışdır.
Tədbirdə Naxçıvan MR Ali Məclisi sədrinin müavini Zahid Əzimov və Babək Rayon İcra Hakimiyyətinin başçısı Baba Əliyev çıxış edərək MR-də, eləcə də Babək rayonunda uğurla həyata keçirilən islahatlardan, təhsilə göstərilən dövlət qayğısından danışmış, qarşıdan gələn dərs ili münasibətilə təhsil işçilərini, pedaqoji kollektivləri təbrik etmiş, onlara gənc nəslin təlim-tərbiyəsi sahəsində yeni-yeni uğurlar arzulamışlar.
