Babək rayonunda 37 min tondan çox taxıl tədarük olunub
Babək, 19 avqust, AZƏRTAC
Bu ilin məhsulu üçün muxtar respublikanın Babək rayonunda 16 min 172 hektar sahədə əkin aparılıb. Əkin sahələrinin 11 min 767 hektarını taxıl təşkil edib. 11 min 540 hektarda payızlıq, 227 hektarda isə yazlıq taxıl əkilib. İyun ayından başlayan biçin kampaniyası artıq yekunlaşıb və rayon üzrə 37 min 702 ton məhsul toplanılıb.
AZƏRTAC-ın Naxçıvan bürosu xəbər verir ki, Babək rayonunda 2019-cu ilin payızlıq əkini üçün 2061 taxıl istehsalçısına 649 min 128 manat məbləğində pul vəsaiti ayrılıb. Yəni dövlət kəndlinin taxılı yetişdirmək üçün çəkdiyi xərcin mühüm bir hissəsini öz üzərinə götürüb. Bundan başqa, məhsuldarlığı artırmaq üçün taxılçılara dövlət tərəfindən 2 min 900 tona yaxın azot, 40 tondan artıq fosfor gübrəsi verilib.
Bu ilin birinci yarısında “Naxçıvan Aqrolizinq” Açıq Səhmdar Cəmiyyətinin xətti ilə dövlət tərəfindən babəkli sahibkarlara 44 texnika və texnoloji avadanlıq lizinq yolu ilə satılıb.
Bölmənin digər xəbərləri
