“Bakı neftinin tarixi bədii ədəbiyyatda” adlı elektron sərgi hazırlanıb
Bakı, 21 sentyabr, AZƏRTAC
Bakı Şəhər Mədəniyyət Baş İdarəsinin Səbail rayon Mərkəzləşdirilmiş Kitabxana Sisteminin Mərkəzi Kitabxanasında 20 sentyabr - Neftçilər Gününə həsr olunmuş elektron sərgi hazırlanıb.
Bakı nefti haqqında məlumatlar yalnız tarixi-siyasi sənədlərdə deyil, incəsənət əsərlərində və bədii ədəbiyyatda da öz əksini tapıb. Müxtəlif vaxtlarda müxtəlif sənətkarlar bu mövzuya müraciət edib, həyatın bu qara-qəhvəyi möcüzəni söz və fırçanın rənglər, obrazlar dünyasında işıqlandırıblar.
İdarədən AZƏRTAC-a bildirilib ki, kitabxana tərəfindən hazırlanan “Bakı neftinin tarixi bədii ədəbiyyatda” adlı elektron sərgi də oxucular arasında maraqla oxunan, onları Bakı neftinin tarixi, onun uğrunda gedən mübarizələrlə səhifə-səhifə tanış edən bədii əsərlərdən söhbət açır.
Bölmənin digər xəbərləri
