Bakı Slavyan Universitetində 31 mart soyqırımı qurbanları yad edilmişdir
Bakı, 30 mart (AZƏRTAC). Martın 30-da Bakı Slavyan Universitetində (BSU) 31 mart - Azərbaycanlıların Soyqırımı Günü ilə bağlı anım mərasimi keçirilmişdir.
BSU-dan AZƏRTAC-a bildirmişlər ki, bu ali təhsil müəssisəsinin Magistrantlar Şurası, Tələbə Gənclər Təşkilatı və Kölgə kabinetinin təşkil etdikləri tədbirdə Qarabağ həqiqətlərinin dünya birliyinə tanıdılması üzrə İctimai Birliyinin sədri Əlövsət Qasımov və Qarabağ döyüşlərində iştirak etmiş kəşfiyyatçı Sevda Səfərova iştirak etmişlər.
Çıxış edən tələbə və magistrantlar erməni qəsbkarlarının törətdiyi bəşəri cinayətlərdən, müharibənin törətdiyi dəhşətlərdən danışmış, gənclərimizin bu hadisələrə biganə yanaşmayacağına ümidvar olduqlarını bildirmişlər.
Tədbirdə tarixi faktları əks etdirən film nümayiş etdirilmişdir.
Bölmənin digər xəbərləri
