Bakı-Tbilisi-Bakı sürət qatarında gediş haqqı tarifləri aşağı salınacaq
Bakı, 22 fevral, AZƏRTAC
Aprelin 1-dən etibarən 38/37 nömrəli Baki-Tbilisi-Bakı sürət qatarında gediş haqqı tarifləri aşağı salınacaq.
Bu barədə AZƏRTAC-a Azərbaycan Dəmir Yolları” QSC-nin ictimaiyyətlə əlaqələr şöbəsindən bildirilib.
Məlumata əsasən, İsveçrə frankının Azərbaycan manatına qarşı bu günə olan məzənnəsinə uyğun olaraq, Bakıdan Tbilisiyə kimi gediş haqqı, yataq dəstinin istifadəsi və komisyon yığım daxil olmaqla, plaskart vaqonda - 30,16 AZN, kupe vaqonda - 44,50 AZN və SV vaqonda - 83,77 AZN təşkil edirsə, gediş haqları aşağı salındıqdan sonra bu günə olan məzənnə ilə plaskart vaqonda - 24,54 AZN, kupe vaqonda -35,32 AZN və SV vaqonda -58.43 AZN təşkil edəcək.
Qeyd edək ki, İsveçrə frankının Azərbaycan manatına olan məzənnəsi dəyişdiyi halda gediş haqqı da uyğun olaraq dəyişəcək.
Bölmənin digər xəbərləri
