Qanalı iştirakçı: Azərbaycanda diqqətimi çəkən əsas məqamlardan biri əlçatanlıq və inklüzivlik oldu

22.05.2026 [17:32]
Çap et
A⁺ A^-

Bakı, 22 may, AZƏRTAC

WUF13 çox uğurlu keçdi. Hər şey yüksək səviyyədə təşkil olunmuşdu. Tədbir yalnız yaşlı insanlar üçün deyil, uşaqlar və əlilliyi olan şəxslər üçün də əlçatan idi. Azərbaycan xalqı çox mehriban və qonaqpərvərdir.

Bunu AZƏRTAC-a açıqlamasında Ümumdünya Şəhərsalma Forumunun 13-cü Sessiyasında (WUF13) iştirak edən Qanadan olan Lordina Anyonqo deyib.

"Azərbaycana gəldiyim ilk gündən diqqətimi çəkən əsas məqamlardan biri əlçatanlıq və inklüzivlik oldu. Burada hər kəs, o cümlədən görmə məhdudiyyətli və fiziki məhdudiyyətli insanlar nəzərə alınır. Düşünürəm ki, Azərbaycan dayanıqlı şəhərlərin inkişafı istiqamətində mühüm rol oynaya bilər", - deyə o qeyd edib.

_{Müxbirlər - Günel Türksoy, Səbinə Əlizadə}