BAKIDA BEYNƏLXALQ KONFRANS KEÇİRİLİR

21.09.2004 [20:58]
Çap et
A⁺ A^-

AZƏRTAC-ın müxbiri xəbər verir ki, Azərbaycan Həmkarlar İttifaqları Konfederasiyası və Beynəlxalq Azad Həmkarlar İttifaqları Konfederasiyasının birgə təşkil etdikləri “Yoxsulluğun aradan qaldırılması üzrə strategiya haqqında” mövzusunda beynəlxalq seminar sentyabrın 21-də Bakı şəhərində işə başlamışdır.

İki gün davam edəcək seminarın məqsədi MDB ölkələrində yoxsulluğun aradan qaldırılması ilə bağlı mövcud problemləri təhlil etmək, regionda fəaliyyət göstərən həmkarlar ittifaqları təşkilatlarının təcrübəsini öyrənmək və fikir mübadiləsi aparmaqla vəziyyəti müəyyənləşdirməkdir.

Seminarda çıxış edənlər beynəlxalq təcrübəyə əsaslanaraq həmkarlar ittifaqlarının yoxsulluğun aradan qaldırılması üçün həyata keçirdiyi

tədbirlərdən və dövlət orqanları ilə münasibətlərin tənzimlənməsi istiqamətində görüləcək işlərdən danışmışlar.

Seminar sentyabrın 22-də işini davam etdirəcəkdir.