BAKIDA “DİN VƏ DEMOKRATİYA: NƏZƏRİYYƏ VƏ TARİXİ TƏCRÜBƏ” MÖVZUSUNDA BEYNƏLXALQ KONFRANS KEÇİRİLƏCƏKDİR
AZƏRTAC xəbər verir ki, Dini Qurumlarla İş üzrə Dövlət Komitəsinin təşəbbüsü ilə iyunun 21-də Bakıda Beynəlxalq elmi konfrans keçiriləcəkdir.
“Din və demokratiya: nəzəriyyə və tarixi təcrübə” mövzusuna həsr olunmuş konfransda Azərbaycandan başqa, Türkiyə, İran, Rusiya və Orta Asiya ölkələrindən dəvət olunmuş alimlər, din xadimləri iştirak edəcəklər.
Təşkilat komitəsinin məlumatında bildirilir ki, konfransda din və demokratiya, dinin dövlətə və dövlətin dinə münasibəti, dünyada gedən proseslər, mənəvi dəyərlərin qorunması, nəzəriyyə və təcrübənin vəhdəti məsələləri ətrafında geniş fikir mübadiləsi aparılacaq, tövsiyələr hazırlanacaqdır.
Bölmənin digər xəbərləri
