Bakıda keçiriləcək dünya çempionatında 4 serbiyalı cüdoçu iştirak edəcək
Bakı, 22 may, AZƏRTAC
Serbiya millisinin Bakıda keçiriləcək cüdo üzrə dünya çempionatı üçün heyəti açıqlanıb.
AZƏRTAC xəbər verir ki, Bakı mundialında 4 serbiyalı cüdoçu tatami üzərinə çıxacaq.
Məşqçilər korpusu dünya çempionatında kişilərin yarışında Aleksandr Kukolj və Nemanya Majdov (hər ikisi 90 kq) şans verəcək.
Qadınların mübarizəsində isə Milisa Nikoliç (48 kq) və Yovana Roqiç (57 kq) birincilik uğrunda mübarizə aparacaq.
Qeyd edək ki, cüdo üzrə dünya çempionatı sentyabrın 20-dən 27-dək Bakıda keçiriləcək.
Bölmənin digər xəbərləri
