Bakıda qanunsuz totalizator təşkil edən şəxs yaxalanmışdır
Bakı, 3 dekabr (AZƏRTAC). Baş Mütəşəkkil Cinayətkarlıqla Mübarizə İdarəsinin əməkdaşları tərəfindən Bakı şəhər sakini, əvvəllər məhkum olunmuş Rafiq Şərifovun icarəyə götürdüyü çayxanada “Zenit Bet” adlı qanunsuz totalizator futbol mərc oyunlarını təşkil etməsi müəyyən edilmişdir.
Daxili İşlər Nazirliyinin mətbuat xidmətindən AZƏRTAC-a bildirmişlər ki, çayxanaya baxış keçirilmiş və obyektdən 11961 manat məbləğində 519 ədəd üzərinə “Zenit Bet” yazılmış kupon qəbzlərinin kötükləri, kupon qəbzlərinin onlayn qeydiyyatının aparıldığı kompyuter, modem, printer, monitor və 16 manat pul aşkar edilərək götürülmüşdür.
Faktla bağlı araşdırmalar davam etdirilir.
Bölmənin digər xəbərləri
