Bakıda yanacaq sərfi ilə bağlı problemlərin olmaması “Honda”nı təəccübləndirib
Bakı, 22 iyun, AZƏRTAC
“Honda”nın avtomobil idmanı bölməsinin rəhbəri Yusuke Haseqava əvvəl qeyd etmişdi ki, Kanadada yanacaq sərfinin çox yüksək olması “Maklaren”in finiş xəttinə 11-ci yerdən tez çatmasına imkan verməyib. Bakıda Avropa Qran-prisində bu cür problemlərin olmaması Haseqavanı təəccübləndirib.
AZƏRTAC xəbər verir ki, Haseqava deyib: “Bakıda yanacaq sərfi Kanada ilə müqayisədə aşağı olub. Ümumiyyətlə, burada vəziyyət bizim gözlədiyimizdən yaxşı idi. Ola bilsin ki, bu, sıxma qüvvəsinin aşağı səviyyəsi və slipstrimdən fəal istifadə edilməsi ilə bağlıdır. Mənim fikrimcə, pilotlar ən azı iki dövrəlik yanacağa qənaət ediblər”.
Bölmənin digər xəbərləri
