Bakının Təbriz küçəsində hərəkət məhdudlaşdırılır
Bakı, 9 mart, AZƏRTAC
Asfalt-beton örtüyünün yenilənməsi ilə əlaqədar Bakı şəhərinin Təbriz küçəsinin Əliyar Əliyev küçəsi ilə kəsişməsindən Ağa Nemətulla küçəsi ilə kəsişməsinədək olan hissəsində martın 9-dan 10-na gecə saatlarından etibarən avtonəqliyyat vasitələrinin hərəkəti məhdudlaşdırılacaq.
Azərbaycan Avtomobil Yolları Dövlət Agentliyinin mətbuat xidmətindən AZƏRTAC-a bildirilib ki, məhdudlaşma qısa müddətdə tətbiq ediləcək.
Agentlik məhdudlaşma ilə əlaqədar yarana biləcək narahatlığa görə öncədən vətəndaşlardan üzr istəyir.
Bölmənin digər xəbərləri
