Bakının ümumtəhsil müəssisələrində 20 Yanvar faciəsinə həsr edilmiş tədbirlər keçirilir
Bakı, 14 yanvar (AZƏRTAC). Bakının ümumtəhsil müəssisələrində 20 Yanvar faciəsinin 23-cü ildönümünə həsr edilmiş tədbirlər keçirilir.
Bakı Şəhəri üzrə Təhsil İdarəsindən AZƏRTAC-a bildirmişlər ki, müvafiq tədbirlər planına uyğun olaraq təhsil müəssisələrində XX əsrin ən dəhşətli qanlı hadisəsi - 20 Yanvar qırğını ilə bağlı məlumatlar verilir, sənədli filmlər göstərilir, məktəblərin internet şəbəkəsi və saytlarına faciəni əks etdirən materiallar daxil edilir.
Eyni zamanda, Qara Yanvar ilə əlaqədar fotostendlər hazırlanacaq, ədəbi-bədii kompozisiyalar, rəsm sərgiləri təşkil olunacaqdır.
Yanvarın 19-da müəllim və şagirdlər Şəhidlər xiyabanında xalqımızın azadlığı, ölkəmizin müstəqilliyi və ərazi bütövlüyü yolunda canlarından keçən Vətən övladlarının xatirəsini yad edəcəklər.
Həmin gün məktəblərdə ilk dərslər 20 Yanvar hadisələrinə həsr olunacaqdır.
Bölmənin digər xəbərləri
