ELM VƏ TƏHSİL
BANM tələbələri Çexiyada “Azərbaycanı tanıyaq” layihəsini təqdim ediblər
Bakı, 7 yanvar, AZƏRTAC
SOCAR-ın Bakı Ali Neft Məktəbinin (BANM) 6 tələbəsi mübadilə proqramı çərçivəsində Çexiyanın Ostrava Texniki Universitetində (VSB-TU Ostrava) təhsil alır. Neft-qaz mühəndisliyi ixtisasının IV kurs tələbələri Oktay Əmrahov, Elşən Salahov, Rəvan Yusifov, Ayxan Seyidli, Mahmud Dadaşov və Ruslan Əlizadə Çexiyada bir semestr oxuyacaqlar.
BANM-dən AZƏRTAC-a bildirilib ki, tələbələr proqram çərçivəsində akademik biliklərini artırmaqla yanaşı, “Azərbaycanı tanıyaq” layihəsini təqdim ediblər. Onlar tələbə yoldaşlarını Azərbaycanın tarixi və mədəniyyəti barədə məlumatlandırıblar. Eləcə də Azərbaycanın COP29 çərçivəsində əldə etdiyi uğurlar və iqlim dəyişikliklərinə qarşı görülən tədbirlər haqqında ətraflı təqdimat hazırlayıblar.
Bölmənin digər xəbərləri
