Baş katib: Beynəlxalq yarışlar Azərbaycanda qış idman mədəniyyətinin yaranmasına təkan verəcək
Qusar, 9 mart, AZƏRTAC
Bu yarış gələcəkdə bizə Dünya Kuboku, Avropa çempionatı və digər irimiqyaslı turnirlərin keçirilməsində öz töhfəsini verəcək.
AZƏRTAC xəbər verir ki, bu sözləri Qış İdman Növləri Federasiyasının baş katibi Günel Bədəlova “Şahdağ” Beynəlxalq Xizək Alpinizmi yarışı ilə bağlı jurnalistlərə açıqlamasında deyib. O bildirib ki, Azərbaycana qonaq gələn Beynəlxalq Xizək Alpinizm Federasiyasının rəsmiləri və əcnəbi idmançılar Şahdağdakı mövcud infrastrukturu müsbət qiymətləndiriblər: "Onlar yarışın yüksək səviyyədə təşkil olunduğunu söylədilər. Ümidvaram ki, bu cür beynəlxalq yarışlar ölkəmizdə qış idman mədəniyyətinin yaranmasına təkan verəcək".
Bölmənin digər xəbərləri
