Baş nazir: Azərbaycan İslam dəyərlərinin dünyada təbliğinə böyük töhfələr verib
Bakı, 19 dekabr, AZƏRTAC
Azərbaycan tarix boyu Şərq ilə Qərb arasında körpü rolunu oynayıb və İslam dünyasının mədəni, dini və sivilizasiya mərkəzlərindən biri olub. Ölkəmiz multikulturalizm, tolerantlıq mühitinin formalaşmasına, mədəniyyətlərarası dialoqun qurulmasına, İslam dəyərlərinin dünyada təbliğinə böyük töhfələr verib.
AZƏRTAC xəbər verir ki, bunu Baş nazir Əli Əsədov dekabrın 19-da D-8 İqtisadi Əməkdaşlıq Təşkilatının 11-ci Zirvə görüşündə çıxışı zamanı deyib.
O bildirib ki, əhalisi ümumilikdə dünya müsəlmanlarının 60 faizini təşkil edən D-8 İslam həmrəyliyində mühüm rol oynayır.
“Dünyada İslamofobiya, ekstremizm və radikalizmin artdığı dövrdə, İslam həmrəyliyinin möhkəmləndirilməsi istiqamətində təşkilatımızda səylərin birləşdirilməsi vacibdir”, - deyə Baş nazir vurğulayıb.
Bölmənin digər xəbərləri
