Bayden: İsraillə HƏMAS atəşkəs sazişini imzalamağın astanasındadır
Vaşinqton, 14 yanvar, AZƏRTAC
“İsraillə HƏMAS atəşkəs sazişini imzalamağın astanasındadır”.
AZƏRTAC-ın məlumatına görə, bu sözləri ABŞ Prezidenti Cozef Bayden Dövlət Departamentində çıxışı zamanı deyib.
“Biz mənim bir neçə ay əvvəl irəli sürdüyüm təklifin nəhayət ki, gerçəkləşməsinin astanasındayıq. İllər boyu dövlət qulluğunda çalışmaq mənə heç zaman təslim olmamağı öyrətdi. Bu saziş girovları azad edəcək, döyüşləri dayandıracaq, İsrailin təhlükəsizliyini təmin edəcək və HƏMAS-ın başlatdığı bu dəhşətli müharibədən əziyyət çəkən Fələstin xalqına humanitar yardımı əhəmiyyətli dərəcədə artırmağa imkan verəcək”.
Bayden bildirib ki, Fələstin xalqı sülhə və öz gələcəklərini müəyyən etmək hüququnu əldə etməyə layiqdir. Onun sözlərinə görə, İsrail də sülhə və təhlükəsizliyin təmininə vasitəçidir: “Girovlar və onların ailələri də qovuşmağa layiqdirlər. Ona görə də biz bu sazişin təcili əldə olunmasına çalışırıq”. Qeyd edək ki, Bayden bazar ertəsi Ağ Evi tərk edəcək.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
