BDU-nun tələbəsi: Süni intellekt sahəsinə xüsusi diqqət yetirməyin vacib olduğunu düşünürəm
Bakı, 16 yanvar, Günel Türksoy, AZƏRTAC
İnnovasiya və süni intellektlə bağlı təqaüd proqramı gənclər üçün olduqca maraqlı və aktual bir təşəbbüsdür.
Süni intellekt və innovasiya bu gün demək olar ki, bütün sahələrdə mühüm rol oynayır. Gələcəkdə peşəkar karyera qurmaq üçün bu istiqamətdə bilik və bacarıqlara sahib olmaq vacibdir. Bu cür proqramlar gənclər və tələbələr üçün böyük dəstək və imkan yaradır.
Bunu AZƏRTAC-a açıqlamasında Bakı Dövlət Universitetinin (BDU) kimya fakültəsinin tələbəsi Əfsanə Yusifova deyib.
O, süni intellektə marağının böyük olduğunu deyib. Bildirib ki, tədbir zamanı keçirilən interaktiv sessiyada auditoriyanın böyük hissəsinin ChatGPT kimi süni intellekt platformalarından istifadə etdiyi məlum olub: “Mən özüm də bu platformadan həm təhsilimdə, həm də gündəlik həyatımda aktiv şəkildə istifadə edirəm. Düşünürəm ki, süni intellekt sahəsi gələcəkdə daha da inkişaf edəcək və karyeramızda mühüm rol oynayacaq. Buna görə də bu sahəyə xüsusi diqqət yetirməyin vacib olduğunu düşünürəm”.
Bölmənin digər xəbərləri
