Belarus tamaşaçılarına 20 Yanvar faciəsi ilə bağlı məlumat verilmişdir
Bakı, 15 yanvar (AZƏRTAC). Yanvarın 15-də Azərbaycanın Belarusdakı səfiri İsfəndiyar Vahabzadə bu ölkənin ONT kanalının səhər proqramında çıxış etmişdir.
Səfirlikdən AZƏRTAC-a bildirmişlər ki, səfir ümumxalq hüzn günü barədə Belarus tamaşaçılarına məlumat vermişdir.
İ.Vahabzadə 20 Yanvar faciəsinin Azərbaycan tarixində xalqımızın yenilməzliyini, ölkənin azadlığı, suverenliyi və ərazi bütövlüyü uğrunda mübarizə əzmini nümayiş etdirən qəhrəmanlıq səhifəsi olduğunu qeyd etmişdir. Səfir həmin günlərdə dinc sakinlərin sovet ordusu tərəfindən vəhşicəsinə qətlə yetirildiyini bildirmiş və şəhidlərimizin xatirəsinin hər il həm respublikamızda, həm də ölkəmizin hüdudlarından kənarda da yad edildiyini diqqətə çatdırmışdır.
Bölmənin digər xəbərləri
