Belçikada 20 Yanvar faciəsi ilə bağlı konfrans keçirəcəkdir
Bakı, 11 yanvar (AZƏRTAC). Belçika Azərbaycanlıları Cəmiyyətinin təşkilatçılığı ilə Qanlı Yanvar faciəsi ilə bağlı “20 Yanvar Azərbaycan xalqının qanlı və şərəfli tarixidir” mövzusunda konfrans keçiriləcəkdir.
Cəmiyyətdən AZƏRTAC-a bildirmişlər ki, tədbirdə Avropa Parlamentinin, Avropa İttifaqının, bir sıra xarici diplomatik korpusların təmsilçiləri, həmçinin, bu ölkədə yaşayan azərbaycanlılar və Belçika ictimaiyyətinin nümayəndələri iştirak edəcəklər.
Konfrans iştirakçılarına 20 Yanvar faciəsini əks etdirən ingilis dilində film nümayişi etdiriləcək, hadisə ilə bağlı həqiqətlər beynəlxalq qurumların və yerli əhalinin diqqətinə çatdırılacaqdır.
Bölmənin digər xəbərləri
