Belqorod vilayətindən 300 uşaq təxliyə edilir
Moskva, 31 may, AZƏRTAC
Rusiyanın Belqorod vilayətinin Şebekino və Qrayvoronsk dairələrindən 300 uşaq təxliyə edilir.
AZƏRTAC xəbər verir ki, bu barədə vilayətin qubernatoru Vyaçeslav Qladkov məlumat verib. Təxliyə olunan uşaqlar Voronej vilayətinə aparılacaq.
Qeyd edək ki, Ukrayna ilə sərhəddə yerləşən Belqorod vilayəti mütəmadi artilleriya zərbələrinə məruz qalır. Ötən gecə Şebekino şəhəri “Qrad” sistemlərindən yaylım atəşinə tutulub. Nəticədə bir neçə yaşayış binasına, məktəbə və inzibati binaya ziyan dəyib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
