Benilüks Azərbaycanlıları Konqresi Avropa Parlamentinə müraciət etmişdir
Bakı, 10 yanvar (AZƏRTAC). Mərkəzi qərargahı Amsterdamda yerləşən Benilüks Azərbaycanlıları Konqresi (BAK) 20 Yanvar faciəsinin 23-cü ildönümü ilə əlaqədar Avropa Parlamentinə müraciət etmişdir.
AZƏRTAC xəbər verir ki, müraciət Avropa Parlamenti və Benilüks ölkələri qanunvericilərinə ünvanlanmışdır.
Müraciətdə bildirilir ki, 1990-cı il yanvarın 20-si hüzn günü ilə yanaşı, Azərbaycanda sovet rejiminin dağılmasının da başlanğıcı olmuşdur.
Konqres üzvləri Avropa Parlamenti tərəfindən bu qeyri-insani aksiyanı rəsmi şəkildə pisləyən qətnamə qəbul ediləcəyinə, hadisəyə siyasi qiymət veriləcəyinə ümidvar olduqlarını bildirmişlər.
Bölmənin digər xəbərləri
