BƏRDƏDƏ BAŞ VERMİŞ YOL-NƏQLİYYAT QƏZASI DÖRD NƏFƏRİN ÖLÜMÜNƏ SƏBƏB OLMUŞDUR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Bərdə rayonunun Soğanverdilər kəndində Ağdam rayon sakini Azər Əliyevin idarə etdiyi “VAZ-2106” markalı və Laçın rayon sakini Yelmar Rzayevin sürdüyü “VAZ-2107” markalı avtomaşınlar toqquşmuşdur. Nəticədə A.Əliyev və Y.Rzayevin sərnişinləri - Laçın rayon sakinləri Pəsi Şükürov, Eldar Rzayev, Şərəbanu Rzayeva hadisə yerində ölmüş, birinci avtomaşında olan sərnişinlər - Ağdam rayon sakini Novruz Nağızadə, Məhəmməd Niftəliyev, habelə Y.Rzayev və sərnişini, qardaşı Əkrəm xəsarətlə xəstəxanaya yerləşdirilmişlər.
Masallı rayonunun ərazisində isə rayon sakini Bəhruz Səfərovun idarə etdiyi “VAZ-2107” markalı və Lənkəran sakini Əlizamin Əsgərovun sürdüyü “QAZ-53” markalı avtomaşınların toqquşması bir nəfərin ölümünə səbəb olmuşdur.
Hadisələrlə bağlı cinayət işi açılmışdır, araşdırmalar aparılır.
Bölmənin digər xəbərləri
