Bərdədə şahmat turnirinin qalibləri müəyyənləşib
Bərdə, 23 fevral, AZƏRTAC
Bərdədə “Heydər Əliyev İli”nə həsr olunmuş şahmat turnirinin qalibləri müəyyənləşib.
AZƏRTAC-ın bölgə müxbiri xəbər verir ki, Bərdə Rayon Gənclər və İdman İdarəsinin, Qarabağ Regional Təhsil İdarəsinin Bərdə sektorunun və Uşaq Gənclər İdman Şahmat Məktəbinin (UGİŞM) birgə təşkilatçılığı ilə keçirilən turnirdə 2008-2009-cu, 2010-2011-ci, 2012-2013-cü və 2014-2015-ci il təvəllüdlü oğlanlar və qızlar iştirak ediblər.
Əvvəlcə Azərbaycanın Dövlət Himni səsləndirilib, Ümummilli Lider Heydər Əliyevin xatirəsi bir dəqiqəlik sükutla yad olunub.
Gənclər və İdman İdarəsinin rəisi Hikmət Ələkbərli və UGİŞM-nin direktoru Nəcməddin Nəcəfov çıxış edərək, Ulu Öndər Heydər Əliyevin idmanın inkişafına və idmançılara göstərdiyi xüsusi diqqət və qayğıdan, son illər Azərbaycan, o cümlədən rayon idmançılarının əldə etdikləri yüksək nailiyyətlərdən danışıblar.
Çıxışlardan sonra yarış başlayıb. Birinci, ikinci və üçüncü yerləri tutmuş şahmatçılar Gənclər və İdman İdarəsinin müvafiq dərəcəli diplomları ilə təltif ediliblər.
Bölmənin digər xəbərləri
