BERLINDƏ 1500-DƏN ARTIQ HOMOSEKSUAL NIKAHLI AILƏ HƏYATI QURMUŞDUR

02.08.2004 [00:56]
Çap et
A⁺ A^-

AZƏRTAC-ın müxbiri xəbər verir ki, Almaniyada eynicinslilərin qanuni ailə həyatı qurması və VVAQ-da rəsmi kəbin kəsdirməklə birgəyaşayışa qatılması barədə 2001-cı ilin avqustunda dövlətin qərarından sonra ölkənin ərazisində homoseksual və lesbik "cütlərin" qanuni nikahla ailə qurması geniş vüsət almaqdadır. Berlin VVAQ-larının KİV səhifələrində dərc etdirdikləri rəsmi məlumata görə, bu cür nikahlar barədə qanun qüvvəyə mindikdən sonra Almaniya paytaxtının özündə 3000-dən artıq homoseksual vətəndaş 1500-dən artıq rəsmi nikah bağlamaqla xoşbəxt ailə həyatı qurmuş və bunu dövlət səviyyəsində rəsmiləşdirmişdir.

Məlumatlara görə, qurulan bu cür ailələrin təməli möhkəmdir. Belə ailələrdə ənənəvi ailələrə nisbətən boşanma hallarına çox az təsadüf olunur. Qanunun qüvvəyə minməsindən keçən üç il müddətində VVAQ-lara belə nikahlardan yalnız ikisinin pozulması haqqında müraciət olunmuşdur. Ailə həyatında və məişətdə yola getməyən iki "nakam" ailə üzvlərini bir-birindən ayıran VVAQ nikah qanunlarına uyğun olaraq onların cehizlərini, daşınar və daşınmaz əmlaklarını da aralarında bölüşdürmüşdür. Məlumatımız heç kəsə qəribə görünməsin. İyulun 30-dan dövlətin rəsmi icazəsi ilə Münxendə homoseksual ailələrin şou-paradı başlanmışdır. Əyləncəli küçə yürüşləri bir həftə davam edəcəkdir.

BERLINDƏ 1500-DƏN ARTIQ HOMOSEKSUAL NIKAHLI AILƏ HƏYATI QURMUŞDUR

MÜƏLLİFLƏ ƏLAQƏ

Bölmənin digər xəbərləri