“Beşiktaş” səfərdə qazandığı qələbə sayəsində liderliyə yüksəlib
Bakı, 4 yanvar, AZƏRTAC
Yanvarın 3-də futbol üzrə Türkiyə çempionatının XVI turu çərçivəsində keçirilən qarşılaşmada “Beşiktaş” səfərdə “Kayserispor”un qonağı olub.
AZƏRTAC xəbər verir ki, qarşılıqlı hücumlar şəraitində keçən görüşdə İstanbul təmsilçiləri rəqibin qapısından iki cavabsız qol keçiriblər.
Günün digər matçlarında isə “Fatih Karagümrük” doğma meydanda “Trabzonspor”a 1:2 hesabı ilə uduzub. “Rizəspor”-“Gənclərbirliyi” qarşılaşmasında isə 1:1 hesablı heç-heçə qeydə alınıb.
Hazırda Türkiyə Superliqasına 31 xalla “Beşiktaş” başçılıq edir. Ondan bir xal geri olan “Alanyaspor” və “Qalatasaray” klubları müvafiq olaraq ikinci, üçüncü pillələrdə qərarlaşıblar.
Qeyd edək ki, yeni mövsümdə Superliqada 21 komanda yarışır. XV turda “Göztəpə” istirahət edir.
Bölmənin digər xəbərləri
