Bakı, 15 oktyabr, AZƏRTAC

Beşinci Bakı Beynəlxalq Memarlıq Müsabiqəsinin münsiflər heyətinin onlayn görüşü keçirilib.

Azərbaycan Memarlar İttifaqından AZƏRTAC-a bildirilib ki, il ötdükcə müsabiqənin coğrafiyası daha çox ölkəni əhatə edir. Bu il müsabiqəyə dünyanın 38 ölkəsindən 193 müraciət daxil olub: Azərbaycan, Argentina, Əfqanıstan, Başqırdıstan, Belarus, Vyetnam, Gürcüstan, Misir, Hindistan, İordaniya, İran, İspaniya, İtaliya, Qazaxıstan, Çin, Qırğızıstan, Latviya, Malayziya, Mərakeş, Meksika, Pakistan, Polşa, Portuqaliya, Rusiya, Rumıniya, Serbiya, Suriya, ABŞ, Tacikistan, Türkiyə, Uqanda, Özbəkistan, Ukrayna, Uruqvay, Fransa, Şri Lanka, Cənubi Afrika və Yaponiya.

Müsabiqəyə təqdim olunan layihələri müzakirə edən münsiflər heyəti açıq səsvermə yolu ilə 7 nominasiya üzrə qalibləri müəyyən ediblər:

A - “İctimai binaların memarlığı sahəsində həyata keçirilmiş ən yaxşı layihə” üzrə:

I yer - 4000 AZN pul mükafatı, birinci dərəcəli diplom və simvolik kubok Vyetnam təmsilçisinə “Bó Mon Preschool” layihəsinə görə;

II yer - 2500 AZN pul mükafatı və ikinci dərəcəli diplomla Çin təmsilçisinə “Yunzhai Community Center” layihəsinə görə;

III yer - 1000 AZN pul mükafatı və üçüncü dərəcəli diplomla Vyetnam təmsilçisinə “The Straw” layihəsinə görə.

B - “Yaşayış binalarının memarlığı sahəsində həyata keçirilmiş ən yaxşı layihə”:

I yer - 4000 AZN pul mükafatı, birinci dərəcəli diplom və simvolik kubok Meksika təmsilçisinə “Casa en el Bosque” layihəsinə görə;

II yer - 2500 AZN pul mükafatı və ikinci dərəcəli diplomla Misir təmsilçisinə “Al-Qurainah Farm Huse” layihəsinə görə;

III yer - 1000 AZN pul mükafatı və üçüncü dərəcəli diplomla Vyetnam təmsilçisinə “Villa Tan Dinh” layihəsinə görə.

C - “Həyata keçirilmiş ən yaxşı interyer”;

I yer - 4000 AZN pul mükafatı, birinci dərəcəli diplom və simvolik kubok Rumıniya təmsilçisinə “Students` Canteen” layihəsinə görə;

II yer - 2500 AZN pul mükafatı və ikinci dərəcəli diplomla İspaniya təmsilçisinə “Dental Clinic in Los Remedios” layihəsinə görə;

III yer - 1000 AZN pul mükafatı və üçüncü dərəcəli diplomla Portuqaliya təmsilçisinə “Apartment Alfornelos” layihəsinə görə.

D - “Həyata keçirilməmiş ən yaxşı layihə”:

I yer - 4000 AZN pul mükafatı, birinci dərəcəli diplom və simvolik kubok Polşa təmsilçisinə “Designers’ Hub - a green alternative to office building” layihəsinə görə;

II yer - 2500 AZN pul mükafatı və ikinci dərəcəli diplomla Misir təmsilçisinə “The Gardens of Samarra” layihəsinə görə;

III yer - 1000 AZN pul mükafatı və üçüncü dərəcəli diplomla Malaziya təmsilçisinə “Merdeka Mosque, Kuala Lumpur, Malaysıa” layihəsinə görə.

E - “Landşaft memarlığı sahəsində həyata keçirilmiş ən yaxşı layihə”;

I yer - 4000 AZN pul mükafatı, birinci dərəcəli diplom və simvolik kubok İtaliya təmsilçisinə “Casa Riga con Agriturismo” layihəsinə görə;

II yer - 2500 AZN pul mükafatı və ikinci dərəcəli diplomla Vyetnam təmsilçisinə “Revıtalızıng Mao Khe Mınıng Park” layihəsinə görə;

III yer - 1000 AZN pul mükafatı və üçüncü dərəcəli diplomla Azərbaycan təmsilçisinə - “Khan’s Garden” layihəsinə görə.

F - “Binaların bərpası və yenidən qurulması sahəsində həyata keçirilmiş ən yaxşı layihə”:

I yer - 4000 AZN pul mükafatı, birinci dərəcəli diplom və simvolik kubok Portuqaliya təmsilçisinə “Marques Da Sılva House” layihəsinə görə;

II yer - 2500 AZN pul mükafatı və ikinci dərəcəli diplomla Meksika “Mar Mediterráneo 34” layihəsinə görə;

III yer-1000 AZN pul mükafatı və üçüncü dərəcəli diplomla Hindistan təmsilçisinə “Baradari, City Palace Jaipur, Rajasthan, India” layihəsinə görə.

G - “Memarlıq sahəsində ən yaxşı nəşr” layihəsi:

I yer - 4000 AZN pul mükafatı, birinci dərəcəli diplom və simvolik kubok Azərbaycan təmsilçisinə - “Mebel və onun interyerdə optimal təşkilat prinsipləri” kitabına görə;

II yer - 2500 AZN pul mükafatı və ikinci dərəcəli diplomla Malaziya təmsilçisinə “Masjid - Selected Mosque and Musollas in Malaysia” kitabına görə;

III yer - 1000 AZN pul mükafatı və üçüncü dərəcəli diplomla Rusiya təmsilçisinə “Urban architecture. Essays of trends” kitabına görə.

Qeyd olunub ki, Beynəlxalq Memarlar İttifaqı tərəfindən müsabiqə layihələrinin qiymətləndirilməsi üçün peşəkar və obyektiv münsiflər heyəti təyin edilib: münsiflər heyətinin sədri - BMİ-nin keçmiş prezidenti Esa Mohammed (Malayziya) və üzvləri: İn-Suok Ço (Cənubi Koreya), Viktor Leonel (Anqola), Jozef Kvan (Qonq Konq) və Elbay Qasımzadə (Azərbaycan).