Beyləqan rayonunun Yeni Xocavənd, Tuğ kəndlərinə və Xocavənd qəsəbəsinə ilk dəfə olaraq təbii qaz verilmişdir
Bakı, 14 noyabr (AZƏRTAC). Beyləqan rayonunun Yeni Xocavənd, Tuğ kəndlərinin və Xocavənd qəsəbəsinin qazlaşdırılması üçün bütün tikinti-quraşdırma işləri başa çatdırılmış və bu münasibətlə təntənəli tədbir keçirilmişdir.
“Azəriqaz” İstehsalat Birliyinin mətbuat xidmətindən AZƏRTAC-a bildirmişlər ki, ümumilikdə 814 abonenti olan qəsəbə və kəndlərə ilk dəfə olaraq qaz xətləri çəkilmişdir. Bunun üçün birpilləli sistem əsasında uzunluğu 18 min metr polietilen boru çəkilmiş, 814 sayğac və fərdi tənzimləyici quraşdırılmışdır. Tədbirdə çıxış edən kənd ağsaqqalları, ziyalılar, şəhid ailələrinin üzvləri qəsəbə və kəndlərin təbii qazla təchiz olunmasına görə Azərbaycan Respublikasının Prezidenti İlham Əliyevə öz minnətdarlıqlarını bildirmişlər.
Bölmənin digər xəbərləri
