Beynəlxalq Dəniz Günü ilə əlaqədar 5 hektar ərazi tullantılardan təmizləndi

26.09.2014 [16:34]
Çap et
A⁺ A^-

Bakı, 26 sentyabr (AZƏRTAC). Beynəlxalq Dəniz Günü ərəfəsində ölkəmizdə “Xəzər həftəsi” nin qeyd olunması məqsədi ilə Ekologiya və Təbii Sərvətlər Nazirliyi (ETSN) tərəfindən hazırlanmış müvafiq tədbirlər planına uyğun olaraq sentyabrın 26-da Sumqayıt şəhərindəki Nəsimi adına parkla Xəzər dənizi arasındakı sahil zolağında iməcilik keçirilib.

Nazirliyin mətbuat xidmətindən AZƏRTAC-a verilən məlumata görə, 100 nəfərdən artıq adamın iştirak etdiyi iməcilikdə 5 hektar ərazi 10 kubmetrdən artıq bərk məişət və digər növ tullantılardan təmizlənib.

“Xəzər həftəsi” çərçivəsində ETSN tərəfindən keçirilən bütün tədbirlər dənizin ekoloji cəhətdən saflığının və davamlılığının qorunmasına, onun sərvətlərinin mühafizə olunmasına, eyni zamanda, ictimaiyyətin maarifləndirilməsinə yönəlib.

Beynəlxalq Dəniz Günü ilə əlaqədar 5 hektar ərazi tullantılardan təmizləndi

MÜƏLLİFLƏ ƏLAQƏ

Bölmənin digər xəbərləri