Beynəlxalq Ədalət Məhkəməsinin sədri istefa verib
Bakı, 14 yanvar, AZƏRTAC
Beynəlxalq Ədalət Məhkəməsinin sədri Navaf Salam yanvarın 14-də istefa verib.
AZƏRTAC xəbər verir ki, bu barədə məhkəmənin mətbuat xidməti məlumat yayıb.
Onun məhkəmənin üzvü və sədri kimi səlahiyyət müddəti 2027-ci il fevralın 5-də başa çatırdı.
Qeyd edilib ki, Salamın varisi daha sonra Baş Assambleya və BMT Təhlükəsizlik Şurası tərəfindən seçiləcək. Yeni hakimin səlahiyyət müddəti də 2027-ci ilin fevralında başa çatacaq.
Bundan əvvəl Livan Prezidenti Cozef Aun Navaf Salamı respublikanın Baş naziri təyin edib və ona yeni hökuməti formalaşdırmağı tapşırıb. Salam parlamentin 128 üzvündən 85-nin dəstəyini qazanıb.
Bölmənin digər xəbərləri
