BEYNƏLXALQ HUMANİTAR HÜQUQA DAİR SEMİNAR KEÇİRİLMİŞDİR
Ombudsman Aparatının mətbuat xidmətindən AZƏRTAC-a bildirmişlər ki, müvəkkil Elmira Süleymanova beynəlxalq humanitar hüququn silahlı münaqişələr zamanı döyüş əməliyyatlarında iştirak etməyən insanların mühafizəsinə yönəldiyini nəzərə çarpdırmışdır.
Azərbaycan Respublikası ərazisinin 20 faizinin təcavüzkar Ermənistan tərəfindən işğal olunduğunu bildirən E.Süleymanova, silahlı münaqişə zamanı beynəlxalq humanitar hüquq normalarının və prinsiplərinin ermənilər tərəfindən kobud surətdə pozulduğunu, dinc əhaliyə qarşı silah tətbiq edildiyini, nəticədə minlərlə insanın həlak olduğunu, yaralandığını, əsir-girov götürüldüyünü qeyd etmişdir. O, BQXK-un Azərbaycan Respublikası Silahlı Qüvvələri əsgərlərinin əsirlikdən azad olunmaları istiqamətində səylərini dəyərləndirmiş, həmin qurumla əməkdaşlığın, insan hüquqları sahəsində birgə maarifləndirmə işinin gələcəkdə də davam etdiriləcəyinə ümidvar olduğunu bildirmiş, bu seminarı əməkdaşlıq çərçivəsində atılmış səmərəli addım adlandırmışdır.
BQXK-nın Azərbaycan nümayəndəliyinin müdafiə üzrə əlaqələndiricisi Jan-Pol Korbo təmsil etdiyi qurumun fəaliyyəti barədə məruzə etmişdir.
Seminar canlı diskussiyalarla davam etdirilmiş, fikir mübadiləsi aparılmışdır. İştirakçılar BQXK-nın fəaliyyətini əks etdirən sənədli filmə baxmışlar.
Bölmənin digər xəbərləri
