BEYNƏLXALQ KİNO FESTİVALINA AZƏRBAYCAN DA DƏVƏT ALIB
Sentyabrın 30-dan oktyabrın 4-dək Moskvada “Novoye vremya XXI” (“Yeni zaman XXI”) V Beynəlxalq kinofestivalı keçiriləcəkdir.
Mədəniyyət və Turizm Nazirliyinin mətbuat xidmətindən AZƏRTAC-a bildirmişlər ki, festivalın beş illik yubileyi ilə əlaqədar Təşkilat Komitəsi əvvəlki illərdə qalib gəlmiş filmlərin nümayişini keçirməyi qərara almışdır. Məlumdur ki, kinorejissor Vaqif Mustafayevin “Milli bomba” filmi də bir neçə il bundan əvvəl həmin festivalın “Qran-pri” mükafatına layiq görülmüşdür. Təşkilat Komitəsi “Milli bomba”nın da bu tədbirdə iştirakına şərait yaradılması üçün nazirliyə müraciət etmişdir. Muraciəti müsbət qarşılayan qurum həmin filmi festivala göndərmişdir.
2002-ci ildə istehsal olunmuş filmdəki əsas rollarda Yaşar Nuri, Səidə Quliyeva, Nuriyyə Əhmədova və başqaları çəkilmişlər.
Bölmənin digər xəbərləri
