BEYNƏLXALQ VALYUTA FONDU QIRĞIZISTANA 1,8 MİLYON DOLLAR KREDİT VERİR
AZƏRTAC-ın İTAR-TASS agentliyindən aldığı xəbərə görə, Beynəlxalq Valyuta Fondunun Direktorlar Şurası öz iclasında bu ilin fevralında təsdiq olunmuş Qırğızıstanla üçillik əməkdaşlıq proqramını müzakirə etmişdir. Proqram respublikanın 2005-2007-ci illər üçün sosial-iqtisadi inkişaf planlarının BVF tərəfindən dəstəklənməsinə yönəldilmişdir. Bu məqsədlə təxminən 12,8 milyon dollar kredit ayrılması nəzərdə tutulur. BVF rəhbərliyinin proqramın ilkin mərhələsinin həyata keçirilməsinə müsbət yanaşması Qırğızıstanın avtomatik surətdə təxminən 1,8 milyon dollar kredit götürməyə icazə alması deməkdir.
Fondun mətbuat üçün məlumatında deyilir ki, BVF-nin Direktorlar Şurası Qırğızıstan hökumətinin ölkədə makroiqtisadi sabitliyin saxlanılması istiqamətində səylərini müsbət qiymətləndirir.
Bölmənin digər xəbərləri
