Binəqədi rayonunda karantin rejimi qaydalarını pozan idman zalında doqquz nəfər cərimələnib

20.08.2020 [11:07]
Çap et
A⁺ A^-

Bakı, 20 avqust, AZƏRTAC

Paytaxtın Binəqədi rayonunda xüsusi karantin rejimi qaydalarına əməl etməyən, qapalı məkanda fəaliyyət göstərən, sanitar-epidemioloji normaların pozulması ilə müşayiət olunan idman zalı aşkarlanıb.

Bakı Şəhər Baş Polis İdarəsinin mətbuat xidmətindən AZƏRTAC-a verilən məlumata görə, Binəqədi Rayon Polis İdarəsinin 7-ci polis bölməsi əməkdaşlarının keçirdikləri müvafiq tədbirlərlə Mircəlal küçəsində yerləşən idman-məşq zalında 9 nəfər müəyyən olunub.

Sanitar-epidemioloji normaları pozan şəxslər müvafiq polis bölməsinə dəvət olunaraq, barələrində qanunvericiliyə uyğun tədbirlər görülüb. Onların hər biri barəsində İnzibati Xətalar Məcəlləsinin 211-ci maddəsi ilə protokol tərtib edilib.

Binəqədi rayonunda karantin rejimi qaydalarını pozan idman zalında doqquz nəfər cərimələnib

MÜƏLLİFLƏ ƏLAQƏ

Bölmənin digər xəbərləri